UFC/Ish-kampioni “sulmon” rusin: Është turp mënyra si u shpalle kampion

Khabib Nurmagomedov u shpall kampion bote në peshat e lehta të arteve marciale mikse, duke mposhtur Al Iaquintan në eventin UFC 223. Por të shpallesh kampion nga një duel me luftëtarin e renditur në vendin e 11 në botë nuk është arritje është shprehur ish-kampioni Eddie Alvarez. Ai këmbëngul që nuk është arritje, por është turp që të jesh kampion dhe nuk je përballur me më të mirët.“Unë e njoh këtë sport, i di gjërat. Khabib u shpall kampion pasi mundi sportistin që renditet në vendin e 11-të në botë. Ai nuk është kampioni i vërtetë. Si mund të bëhesh kampion duke mos mundur më të mirët”, tha Alvarez.Amerikani, më tej shtoi: “Kur unë u shpalla kampion bote munda me radhë numrat 5, 4, 3,2 dhe më pas më të mirin. Unë duelova me kampionin, një njeri që kishte gjerdanin. Ai që realizon këtë rrugëtim është kampioni i vërtetë. Unë do të vazhdoj të dueloj me më të mirët, do të pres radhën. Do të lejoj UFC-në të bëjë zgjedhjet, të bëjë punën e saj. Le të zgjedhë për Khabib ai që ka radhën”, u shpreh Eddie Alvarez.