Kryeministri Edi Rama ka debatuar në “Open” me gazetarin Robert Rakipllari, kur është pyetur se si ka mundësi që Shqipërisë për të tretin vit radhazi i shtyhet hapja e negociatave, pavarësisht rekomandimeve pozitive.
Por kjo pyetje duket se nuk është pritur aspak mirë nga ana e kryeministrit, i cili nuk ka nguruar që edhe ta ironizojë. Duke qëndruar në të njëjtën linjë, Rama tha se aq shumë është çuditur, sa gazetari e la pa tekst.
“Uaaa, uaaa, ju të lini pa tekst. Kur të fiken dritat, edhe ti do më thuash ke të drejtë. Vjet fola për hapje negociatash, se ministrat e Jashtëm të BE-së ishin pa tekst, nuk kishin tekst dhe ne rrezikonim të mbeteshim në ajër. E kupton tani”, tha Rama.