Policia e Tiranës ka hedhur dritë mbi motivin e sherrit të ndodhur një ditë më parë, mes të afërmëve të dy mësueseve të gjimnazit “Çajupi” në kryeqytet.
Konflikti deri në përfundimin e armës ka nisur mes dy arsimtareve, për një vend qëndrimi në lokal. Më konkretisht, sherri i djeshëm mes dy mësuesve të shkollës “Çajupi” në Tiranë ka nisur për një vend tavoline në një lokal.
Dy mësueset Elida Qenami, 46-vjeç, mësuese Letërsie dhe Domenika Toptani, 53-vjeçe, mësuese Historie, fillimisht janë konfliktuar verbalisht për tavolinën në lokal. Ditën e djeshme, janë përfshirë edhe familjarët e tyre.
Për ngjarjen është arrestuar Edmond Faja, 39-vjeç. Ky shtetas ka qëlluar në ajër me një armë zjarri pistoletë, e cila është sekuestruar në cilësinë e provës materiale. Në hetim në gjendje të lirë janë familjarët Elton Kasaj, Enrik Qenami, Enea Kovaçi, Ndriçim Qefalija, Laert Duro, Alvaro Toptani. Ministria e Arsimit ka pezulluar nga detyra dy mësueset e përfshira në konfliktin pranë shkollës “Andon Zako Çajupi”.
