Ministri i Brendshëm i Australisë, Peter Dutton ka rezultuar pozitiv me koronavirus.
Ai e ka konfirmuar vetë këtë gjë nëpërmjet një postimi në rrjetet sociale. Ai shkruan se ishte zgjuar me dhimbje fyti dhe temperaturë, prandaj kishte vendosur të bënte analizat.
Pasi mori përgjigjet e testit, Dutton vendosi ta ndante lajmin se ishte prekur nga koronavirusi edhe me opinion publik.
“U zgjova sot në mëngjes me dhimbje fyti dhe me temperaturë. Menjëherë jam drejtuar për në spital, ku rezultova se isha pozitiv ndaj koronavirusit”, tha ai.
Sipas mediave të huaja, ministri është shtruar menjëherë në spital ku do të karantinohet dhe do të marrë trajtimin e nevojshëm.
Por fakti shqetësues është se ministri kishte pak kohë që ishte kthyer nga SHBA, ku dhe kishte takuar vajzën e Donald Trump, Ivanka Trump
Deri më tani nuk ka pasur ndonjë reagim nga Trump apo vajza e tij.
