Këngëtari Kastro Zizo, i cili konkurroi me këngën “Asaj” në Festivalin e RTSH-së, nuk arriti të kualifikohet në finalen e këtij kompeticioni; duke humbur kështu shansin për të përfaqësuar Shqipërinë në Eurovision 2020.
Pas shpalljes së listës së këngëve të përzgjedhura për në finale, Kastro reagoi përmes një postimi në “Instagram”, teksa përcolli edhe një mesazh.
Këngëtari e cilëson finalen në festival vetëm një statistikë. Ndërsa shpreson që “Asaj” të mbetet një himn për çdo nënë të larguar nga kjo botë.
“Shpresoj që “Asaj” të mbetet një “himn” për çdo nënë të larguar nga kjo botë. Qëllimi ynë u arrit. Ne hymë thellë në zemrat tuaja. Vlerësoni çdo moment me të dashurit tuaj, me nënat, baballarët, motrat, vëllezërit, fëmijët, gratë, burrat dhe çdo të shtrenjtë tuajin… Një finale në festival është thjesht statistike, me rëndësi që dhamë dhe morëm dashuri pa fund. Suksese artistëve finalistë dhe fitoftë më i miri”, shkruan Kastro.
