Kryeministri britanik, Boris Johnson është shtruar mbrëmjen e djeshme në spital, me këshillën e mjekut të tij personal .
Johnson u diagnostikua 10 ditë më parë me koronavirus dhe që nga ajo kohë simptomat e tij kanë ardhur duke u përshkallëzuar.
Për këtë arsye, kryeministri britanik është vendosur në trajtim me oksigjen. Sipas Daily Mail, mjekët i kanë rekomanduar atij që të mos rrezikojë jetën e tij me oraret e stërgjatura në punë.
Ditën e premte, kryeministri Johnson postoi një video në rrjetet sociale ku shfaqej i lodhur nga sëmundja dhe tregonte se ishte ende me temperaturë të lartë.
Deri më tani në Mbretërinë e Bashkuar janë regjistruar më shumë se 47 mijë raste infektimi, ndërsa janë regjistruar 4,934 viktima.
