Eliminimi i Tiranës ndaj Korabit në raundin e dytë të Kupës së Shqipërisë, i kushtoi shtrenjtë trajnerit Emanuel Egbo, i cili pas ndeshjes u shkarkua nga drejtimi i skuadrës.
Pas shkarkimit Egbo ka reaguar për herë të parë, teksa për “Top Channel” është shprehur shkurt se nuk është i mërzitur nga ky vendim i klubit.
“Kishte kohë që prisnin të më hiqnin. Megjithatë nuk jam aspak i mërzitur për faktin se për një kohë të gjatë po prisnin që unë të humbisja një ndeshje dhe të më largonin.”, tha ai.
Egbo i riktheu titullin kampion klubit bardheblu, teksa sezonin e kaluar e mori skuadrën në një periudhë shumë të vështirë, teksa që në fillim mori një seri të gjatë rezultatesh pozitive.
