Mjeku i njohur Andi Koraqi i cili fatmirësisht arriti që të shërohej nga koronavirusi, mbrëmjen e sotme në një intervistë televizive theksoi se është e rëndësishme që të shkëputet zinxhiri i infeksionit.
“Kemi si kapacitetet humane dhe kapacitetet me pajisje, edhe me shkallë të gjerë. Për momentin do të testojmë punonjësit e shëndetësisë dhe më pas edhe në ushtri e polici.
Po testojmë grupet me risqe, sepse ata janë në kontakt me të prekurit. Duhet të kemi shumë kujdes. Duhet të testojmë çdokënd që është i dyshuar se mund të ketë Covid-19, sepse kështu shkëputet zinxhiri i infeksionit”, u shpreh mjeku.
Në vijim, Koraqi i mëshoi faktit se duhet të bëhet gjurmimi epidemiologjik.
“Duhet izolim për të dyshuarit dhe ata që janë pozitiv”, tha ai.
