Ambasadori i Bashkimit Europian në Tiranë, Luigi Soreca ka zhvilluar një takim me kryetarin e zgjedhur të Partisë Demokratike Lulzim Basha, në selinë blu.
Soreca bëri me dije, se çështjet që u diskutuan me Bashën, kishin të bënin me situatën aktuale politike në vend, si dhe integrimin e Shqipërisë në Bashkimin Europian.
”Pas rizgjedhjes së tij si Kryetar i Partisë Demorkatike, u takova sot me Lulzim Bashën për të diskutuar situatën aktuale politike në prag të legjislaturës së re duke filluar nga shtatori i ardhshëm, si dhe hapat e rëndësishëm për procesin e integrimit të Shqipërisë në Bashkimin Europia”, shkruan Soreca në rrjetin social, Twitter.
After his re-election as Chairman of @pdshqiperi??, I met today @lulzimbasha_al to discuss the current political situation in the run up to the new legislature starting next September, as well as the important next steps in the #EU?? integration process of #Albania??. pic.twitter.com/T8g6v5mDnz
— Luigi Soreca?? (@LSorecaEU) June 15, 2021
Basha rizgjidhet kryetar i PD me 81% të votave
Ditën e djeshme, Lulzim Basha u zyrtarizua si kryetar i Partisë Demorkatike, për të tretën herë. Basha mori 81% të votave ose 32.882 në total në të gjithë vendin. Pas tij më shumë vota grumbulloi Agron Shehaj, 6038 vota. Edit Harxhi mori 991 vota, ndërsa Fatbardh Kadilli 763 vota. Në total në të gjithë degët e PD-së votuan 41.095 anëtare ose 54.7% e totalit.
