Paraditen e sotme u njoftua në media se një 76-vjeçare e cila ishte prekur nga COVID-19, kishte ndërruar jetë në Spitalin Infektiv.
Por Ministria e Shëndetësisë e përgënjeshtron këtë lajm, duke thënë se e moshuara humbi jetën nga tumori në pankreas.
76 vjeçarja nga Tirana vuante dhe nga sëmundje të tjera, si diabeti mellitus dhe insuficienca kardiake e dekompesuar.
“Lidhur me lajmin e publikuar në media për një 76 vjeçare, që ka ndërruar jetë në Spitalin Infektiv në Tiranë, Ministria e Shëndetësisë informon se sipas shërbimit infektiv, pacientja ishte asimptomatike për COVID-19, dhe ishte transferuar nga shërbimi i mjekësisë interne ku rezultoi batëse me COVID-19.
Pacientja ka ndërruar jetë nga sëmundja e tumorit të pankreasit, me metastaza hepatike. 76 vjeçarja nga Tirana vuante dhe nga diabeti mellitus dhe Insuficiencë kardiake e dekompesuar”.
Gjatë 24 orëve të fundit janë konfirmuar 6 raste të reja me COVID-19. Harta është zgjeruar me 4 raste në Tiranë (nga te cilët një personel shëndetësor), 1 rast në Durrës, dhe 1 në Mat.
