Kryeministri Edi Rama ka folur nga Durrësi në lidhje me viktimën e tërmetit për të cilën fliste djali i tij i madh, Gregori.
Në një lidhje direkte për emisionin ‘Real Story’, Rama u shpreh se ndodhej në një pozicion të vështirë pasi për të, të gjithë ata që ishin prekur nga tragjedia ishin njësoj. Kreu i qeverisë më pas u përlot në mes të fjalisë duke u larguar papritur nga intervista që po zhvillonte me gazetarin.
“Nuk dua të flas për gjëra që lidhen me aspekte personale dhe gjëra të djalit. Unë sot jam në një pozitë të pamundur ta shpjegoj. Ndoshta është shumë e vështirë që të kuptohet nga ata që e konsiderojnë politikën një mizerabilitet apo një instrument për të vjedhur. Dhe që kujtojnë se të gjithë jemi njësoj, dhe që kujtojnë se unë rri këtu dhe po jap mish e shpirt për lekë, por miqësia imë është shumë e fortë dhe unë i kam të gjithë këta njerëz të prekur si Gregun. Isha me…”, tha kryeministri.
Kujtojmë se më herët ditën e sotme, Greg Rama shprehu ngushëllimin ndaj viktimave të tërmetit, ku theksoi se mes tyre ishte edhe një e afërmja e tij.
Ajo është Kristi Reçi, studentja e mjekësisë e cila u nxor e pajetë nga rrënojat e pallatit me familjarët e saj, vëllain 22-vjeçar, dhe të dy prindërit.
