Teksa familja Rasha po vuan humbjen e djalit të tyre, një episod aspak i hijshëm ka ndodhur pak çaste më parë, ku një femër u prezantua si e motra e të ndjerit. Gazetarja e “Top Channel” i mori një intervistë të shkurtër vajzës e cila u prezantua si e motra e Klodian Rashës, 25 vjeç.
Të gjithë mediat, në kohë reale e shpërndanë këtë lajm, duke e marrë si të mirëqënë dhe duke iu bashkuar dhimbjes së familjarëve. Por në fakt ishte mashtrim.
Një vajzë mes protestuesve të shumtë që u mblodhën sot në kryeqytet, ishte dhe e ashtëquajtura Bora Rasha, që u prezantua si motra e Klodianit. Kanë qenë familjarë të Klodjan Rashës të cilët kanë kontaktuar me mediat, duke thënë se vajza në fjalë nuk është pjesë e familjes Rasha. Mësohet se vajza është nga Saranda, dhe dyshohet se ka probleme mendore.
Tym, flakë dhe gurë. Ishte kjo që shoqëroi protestën e qytetarëve për ekzekutimin e Klodian Rashës nga policia.
Një protestë që fillimisht nisi para Ministrisë së Brendshme, duke kërkuar dorëheqjen e Sandër Lleshajt dhe zhvendosur më tej para Kryeministrisë. Hyrjen e së cilës e shkatërruan me gurë dhe sende të tjera të forta.
Pas tensioneve te Kryeministria dhe Ministria e Brendshme, protestuesit janë zhvendosur në shesh, duke djegur edhe pemën.
