U pezullua nga pandemia e koronavirusit, ja kur pritet të fillojë “Formula 1”

Shpërthimi i pandemisë së koronavirusit në të gjithë botën, bëri që shumë evenimente të rëndësishme sportive të pezulloheshin apo të anuloheshin.

Një ndër këta ishte edhe evenimenti i njohur botëror “Formula 1”. Por së fundmi, organizatorët kanë dhënë një lajm të mirë për të gjithë tifozët.

Ata janë shprehur se evenimenti mund të nisë gjatë muajve të verës. Sipas tyre, gara e parë është planifikuar të jetë gara e Austrisë, që do të mbahet më 5 korrik.

“Jemi optimistë se do të nisemi gjatë verës me garat e Evropës. Në planin tonë, gara e parë do të jetë ajo e 5 korrikut në Austri. Më pas, në Evropë do të garohet deri në muajin shtator dhe më pas në kontinentet e tjerë”, thuhet në njoftimin e “Liberty Media”, kompania që organizon Formula 1.