Modelja e njohur shqiptare ka reaguar pas lajmeve që qarkulluan në media, për një lidhje të saj të mundshme me miliarderin indian, Chetan Sandesara.
Përmes një postimi në Instagram, modelja i ka hedhur poshtë këto pretendime, teksa sqaron se lidhja me miliarderin është vetëm në aspektin shoqëror dhe familjar.
“Nuk e kam fshehur asnjëherë lidhjen time me ta, kam dalë hapur në çdo restorant të Tiranës e Prishtinës. Kam fluturuar me private jet nga Tirana për në Evropë dhe kam ateruar edhe në Prishtinë, jo vetëm me zotërinë në foto, por edhe me bashkëshorten e tij, motrën e saj, vëllain, djalin e stafin e tyre”, shkruan ajo ndër të tjera.
https://www.instagram.com/p/B7RYu1PHaJE/?utm_source=ig_web_copy_link
Ajo thotë se punon për kompaninë e Sandesarës dhe ka qenë ndërmjetësuese për projekte në Ballkan, e veçanërisht në Kosovë e Shqipëri. Në postimin e saj ajo ka shpërndarë edhe një video me gruan e miliarderit në avion, si për të vërtetuar që ka qenë edhe ajo e pranishme.
I gjithë ky debat lindi pas një videoje të publikuar nga biznesmeni, ku në sfond dëgjohej zëri i modeles shqiptare. Ndërkohë, sipas mediave të huaja miliarderi indian është shpallur në kërkim në fillim të vitit 2019 për pastrimin e 725 milionë dollarëve dhe mashtrim bankar.
