Dy shqiptarë që qëndronin ilegalisht në Angli kanë përfunduar në prangat e policisë britanike, pasi u kapën në një fermë të kultivimit të kanabisit. Dy 23-vjeçarët banonin në Derbyshire.
Sipas mediave britanike, droga ishte sistemuar në dhoma dhe papafingo, por u sekuestrua nga policia pas informacioneve të marra nga banorë të zonës. Të arrestuarit identifikohen si Sukses Cenaj dhe Armando Iberhasaj. Të rinjtë kishin mbërritur në Britani në fillim të këtij viti.
Të pyetur nga policia pas arrestimit, ata pohuan se kishin qenë vetëm në banesë për disa ditë dhe ishin duke u paguar për të ushqyer 200 bimë kanabisi, të cilat tashmë ishin në faza të ndryshme të rritjes. Ata janë dënuar me katër muaj burg secili.
“Unë jam duke u marrë me ju të dy për veprën penale të rritjes së kanabisit, por nuk fshiheni ju pas operacionit. Ju jeni përdorur nga të tjerët për t’i ndihmuar ata në rritjen e kanabisit. Kjo ishte e paligjshme, por ju e bëtë atë për të marrë një shtëpi për të jetuar”, tha gjykatësi Shaun Smith QC.
