Nënkryetari i LSI-së, Petrit Vasili, ka publikuar ditën e sotme një urdhër të Policisë së Shtetit, të cilin e ka konsideruar skandaloz.
Përmes një postimi në Facebook, Vasili shpjegon se me anë të këtij dokumenti u kërkohet efektivëve të forcave të rendit të dhurojnë pagën e tyre, në ndihmë të familjeve të prekura nga tërmeti.
Sipas tij, ky është një akt i patolerueshëm teksa akuzon kryeministrin Rama se nuk ka prekur asnjë qindarkë nga paratë e koncesioneve.
“Edi Rama deklaroi se nuk u prek asnjë qindarke Koncesioneve te Oligarkëve dhe opozita qe e propozon “ka mungese fantazije” sipas Ramës.
Edhe në këto dite te tragjedisë me te rende qe është përballur Shqipëria ku po kërkohet solidaritet nga te gjitha anët, vetëm parave te Koncesioneve s’duhet tu lëvize asnjë qime.
Populli i martirizuar nga tërmeti, qe s’ka buke te haje dhe shtëpi se ku te fusë kokën, duhet te vazhdoje paguaje nga gjaku i tij për gjakpirësit financiarë te Koncesioneve te qeverise.
Po Edi Rama qe s’prek Koncesionet me urdhëra te paligjshme u mban rrogën me pahir policisë me sebepin e ndihmës për situatën.
Shikojeni me sytë tuaj dokumentin se si solidariteti behet me urdher ne polici nga Edi Rama dhe Drejtoret e tij”, shkruan ai në postimin e tij.
