Grabitësi që u ekzekutua nga Policia ka përdorur një maskë silikoni, me qëllim fshehjen e identitetit të tij të vërtetë.
Nga fotot e publikuara, ai duket me flokë të rëna, por në fakt viktima, sipas burimeve hetimore është me mjekër dhe flokë të prera shkurt, ndërsa dyshohet se trupi i pajetë i përket një djali të moshës 30-35 vjeç.
Bëhet fjalë për një maskë gome që përdoret gjerësisht nga grabitësit dhe përveç fytyrës, shkon deri në pjesën e barkut.
Deri më tani, Policia nuk ka dhënë ende asnjë informacion rreth identitetit të viktimës.
Grabitja ka ndodhur ditën e sotme rreth orës 15:00 në aeroportin “Nënë Tereza”, e ku dyshohet se autorët mund të kenë qenë 5 persona.
