Këngëtarja e njohur me origjinë shqiptare, Bebe Rexha i ka habitur të gjithë teksa postoi në Instagramin e saj një video ku shfaqej e veshur me fustan nusërie.
“Dita më e bukur e jetës time! M’u desh ta mbaja super private. Më shumë foto dhe video së shpejti. Ju dua të gjithëve!”- shkruante këngëtarja krahas videos.
Ndërkohë që të gjithë po çuditeshin nga ky lajm i papritur, Bebe vazhdoi ta shtonte edhe më shumë kureshtjen e të gjithëve, duke zbuluar në ‘Instastory’ momente nga dasma e saj e fshehtë, e cila mesa duket është mbajtur më datën 12 korrik.
Në njërin prej postimeve, ajo ka publikuar edhe një foto me partnerin e saj, mirëpo nuk na e ka treguar emrin e tij.
“Ai do të më vrasë, por më fal zemër, mu desh ta bëja”, shkruan këngëtarja.
Nuk e dimë nëse kjo është e vërtetë apo ky është thjesht një ngacmim për fansat për të promovuar publikimin e ndonjë videoje të re. Kujtojmë se këngëtarja është shprehur vazhdimisht se nuk është në ndonjë lidhje dashurie dhe kjo video i ka intriguar goxha fansat e saj.
