E shtunë, 24 Korrik, 2021
19.5 C
Tirana

U largua për te Lazio, Hysaj letër klubit e tifozëve: Napoli, të kam në zemër!

Futbollisti i Kombëtares shqiptare Elseid Hysaj i është ribashkuar trajnerit Maurizio Sarri  dhe ka nisur ka nisur grumbullimin me skuadrën e tij të re, Lazion, pas eksperiencave të mëparshme me të te Empoli e Napoli. Mbrojtësi shkodran u transferua te Lazio si futbollist i lirë dhe ndonëse nuk është prezantuar ende zyrtarisht nga bardhekaltrit, ka vendosur të përshëndetet me klubin dhe tifozët e Napolit, ku luajti e jetoi për 6 vite.

Nëpërmjet një letre të postuar në rrjetet sociale, Hysaj ka falënderuar të gjithë njerëzit me të cilët punoi gjatë 6 sezoneve te Napoli, si dhe tifozërinë e skuadrës, teksa preferoi që ta quajë largimin e tij thjesht një mirupafshim, jo lamtumirë.

“Napoli, pas 6 vitesh së bashku ka ardhur momenti të përshëndetemi, ndonëse nuk mjafton një postim për t’u falënderuar të gjithëve. Dua të falënderoj gjithsesi shokët e mi të skuadrës, drejtuesit e klubit, magazinierët, fizio-terapistët dhe të gjithë njerëzit që kam punuar, apo njohur gjatë eksperiencës time këtu. Një falënderim special shkon për ju tifozët e qytetit, që më keni bërë të ndihem si në shtëpinë time. Ka qenë krenari për mua të vesh fanellën e Napolit dhe kam dhënë gjithmonë shpirtin në fushë, për të nderuar dhe djersitur atë bluzë, ndaj më vjen keq që golin tim të vetëm, nuk pata mundësi ta festoj me ju në shkallët e stadiumit. Largimi im nuk është një lamtumirë, por një mirupafshim, pasi siç thotë shprehja e famshme: Kur ikën nga Napoli, qan dy herë, kur vjen dhe kur ikën. Është pikërisht kështu, ndaj do ju mbaj gjithmonë në zemër”, ka shkruar Hysaj në letrën e tij drejtuar klubit dhe tifozërisë napolitane.

- Reklama -

Më shumë nga kategoria




Të fundit

Shembet ura në Siberi, bllokohet hekurudha më e gjatë në botë

Vërshimet si pasojë e reshjeve të furishme në Siberi kanë çuar në shembjen e një urë, duke e shkëputur hekurudhën siberiane, më e gjata...

Kina vendos sanksione ndaj shtatë shtetasve amerikanë

Kina njoftoi të premten se po vendos sanksione ndaj disa shtetasve amerikanë në përgjigje të sanksionimit nga ana e Shteteve të Bashkuara të shtatë...

KPK, pikëpyetje për pasurinë dhe profesionalizmin e prokurores Daniela Sulaj

Prokurorja Daniela Sulaj, e komanduar si inspektore pranë Inspektoriatit të Lartë të Drejtësisë, u përball të premten më 23 korrik me Komisionin e Pavarur...

Gjykata i refuzon kërkesën për liri, Hashim Thaçi mbetet në paraburgim

Gjykata Speciale e Hagës ka marrë vendim që t’i refuzohet kërkesa ish-presidentit të Kosovës, Hashim Thaçit, që ky i fundit të mbrohet në liri. Edhe...

Koronavirusi, Manastirliu tregon numrin e të vaksinuarve në 24 orët e fundit

Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend. Manastirliu bën me dije, se mbi 13...