Kryeministri i Maqedonisë së Veriut, Zoran Zaev ka kritikuar kryeparlamentarin Talat Xhaferi, pasi ky i fundit foli në gjhuën shqipe, gjatë fjalimit të tij në një nga tre sesionet e Parlamentit Evropian.
Zaev e ka quajtur provokim nga deputetët bullgarë përdorimin e gjuhes shqipe nga Xhaferri, të cilët kanë thënë se do bëjnë bashkim të gjuhëve.
Sipas tij, Xhaferi ka vepruar në kundërshtim më kushtetutën dhe ka kërkuar që Kryetari i Kuvendit ta sqarojë arsyen se pse ka folur në gjuhën shqipe.
”Talat Xhaferi iu drejtua Parlamentit të BE-së në kundërshtim me Kushtetutën, por duhet theksuar se kishte tre seanca, në dy prej tyre foli në gjuhën maqedonase, ndërsa të tretën ai foli në shqip, i provokuar pikërisht nga disa individë nga Bullgaria fqinje të cilët me siguri treguan se ata do të bënin një unifikim të gjuhëve tona, që sigurisht nuk është aspak e vërtetë. Ne kemi gjuhë të ngjashme, por të ndryshme dhe të njohura ndërkombëtarisht. Nuk do të kërkoj përgjegjësi pasi pres pikërisht nga Xhaferi të sqaroj atë që ka ndodhur atje pasi ai është një nga mbrojtësit kryesor të kushtetutës së Maqedonisë së Veriut”, tha Zoran Zaev.
https://www.youtube.com/watch?v=PTCyc0c3wso
Fjalimi në gjuhën shqipe i kryetarit të Kuvendit, ka nxitur reagime të shumta, ndërsa VMRO DPMNE-ja dhe “E Majta”, ka dorëzuar një interpelancë për punën e Xhaferit, pasi pretendojnë se duke folur shqip në Komitetin për Punë të Jashtme në Parlamentin Evropian, ai ka shkelur kushtetutën dhe ligjin për përdorimin e gjuhës maqedonase.
