Infermierja 25-vjeçarja me origjinë shqiptare, Katra Lorisa është një prej anëtarëve të stafit më të rëndësishëm në Departamentin e Mjekësisë së spitalit Vignola. Ajo është kthyer në heroinë pasi shpëtoi një grua të moshuar me probleme serioze në zemër.
Ngjarja ka ndodhur në Firence, qyteti ku Katra jetoi dhe studioi, deri sa fitoi konkursin që e solli me punë në Qendrën Shëndetësore ku sot ajo punon.
Mirëpo këtë veprim, shqiptarja e konsideron diçka normale. “Unë nuk bëra asgjë të jashtëzakonshme”.
“Fakti është që të tre ne, unë me dy miqtë e mi pamë që zonja e moshuar në tramvaj nuk ishte aspak mirë e ndihmuam teksa po mendonin se mund të pësonte arrest kardiak.
Ne u afruam, kontrolluam pulsin dhe menjëherë u njoftuam numrin e urgjencës, 118 në Firence, duke i treguar ambulancës ku të ndalonte për të marrë sa më shpejtë gruan e moshuar”, tha shqiptarja.
Po ashtu, një vit më parë, infermierja i ka shpëtuar jetën edhe një burri të moshuar teksa po udhëtonin me avion nga Britania drejt Italisë.
