Talenti shqiptar, Fisnik Asllani i ka befasuar të gjithë duke zgjedhur të shkojë me skuadrën e Bundesligës Hofenhajm.
18-vjeçari u kërkua nga shumë klube prestigjioze si Barcelona apo Bayern, por prapë se prapë ai zgjodhi Hofenhajm.
Sipas “Koha.net”, Asllani do të jetë pjesë e klubi bardheblu deri në verën e vitit 2024.
“Sot është një prej ditëve më të mira në karrierë si futbollist. Kam nënshkruar kontratë katër vjeçare me një klub të madh si Hofenhejm. I falënderoj të gjithë. Shpresoj që të kemi sa më shumë suksese dhe ta ndihmoj ekipin në Ligën e Evropës. E falënderoj edhe Union Berlinin për atë që ka bërë për mua.
Besoj se te Hoffenheimi do të kem hapësira dhe të jap më të mirën. Tifozët dëshiroj që t’i gëzoj me shumë gola të shënuar dhe të festojmë se bashku në suksese. Shpresoj të kem fat e të mos i zhgënjej”, ka thënë Asllani.
