Kreu i Partisë Demokratike të Kosovës Kadri Veseli ka përfunduar intervistimin në Gjykatën Speciale të Hagës.
Raportohet se intervistimi ka zgjatur 3 orë.
Përgjatë një deklarate mediatike Veseli ka theksuar se vitet ‘90 kanë qenë të rënda për popullin e Kosovës.
“Siç kam premtuar publikisht, sot jam paraqitur për intervistim. E kam përfunduar intervistën. Vitet ‘90 kanë qenë vite të rënda për popullin tonë, një nënshtrim para Serbisë për spastrim etnik, domethënë për gjenocid kundër popullit tonë.
Ne iu jemi kundërvënë, Lëvizja jonë çlirimtare ka qenë Ushtria Çlirimtare e Kosovës, përballje me gjenocidin serb. Lufta e UÇK-së ka qenë përballje me spastrimin etnik, të cilën ka synuar Serbia ta bëjë në Kosovë”, tha Veseli.
