Një infermiere portugeze ka humbur jetën dy ditë pasi u injektua me vaksinën anti-covid të Pfizer dhe BioNTech.
41-vjeçarja, Sonia Acevedo ka pësuar një vdekje të papritur. Ajo humbi jetën ditën e Vitit të Ri, ndërkohë që rezultatet e autopsisë për vdekjen e saj pritet që të dalin nesër, shkruan Daily Mail.
Infermierja ka punuar në Institutin Portugez të Onkologjisë, dhe mjekët që u morën me rastin e saj kanë deklaruar se ajo nuk ka pasur asnjë efektanësor pas vaksinimit.
Ndërkohë, babai i saj, Abilio Acevedo deklaroi për mediat portugeze se Sonia ishte mirë dhe nuk kishte asnjë problem shëndetësor.
“Ajo ishte mirë. Ajo nuk kishte pasur ndonjë problem shëndetësor,” tha ai.
Ky nuk është rasti i parë që një person humb jetën pasi ka bërë vaksinën anti-Covid. Më 28 dhjetor, një pacient 75-vjeçar në Izrael i cili kishte sëmundje bashkëshoqëruese, ndërroi jetë disa ditë pasi bëri vaksinën.
