Së fundmi ka ndërruar jetë një 68-vjeçar i cili u infektua me COVID-19 në ambientet e QSUT-së.
I prekuri i parë me COVID-19 nga Gjirokastra, ka humbur jetën gjatë transportit për në shtëpi.
68-vjeçari ishte i shtruar në QSUT që prej 20 Majit, për shkak se vuante nga hepatiti, ku edhe u infektua me koronavirus, shkruan “abcnews.al”.
Ndërkohë viktima pasi u konstatua me COVID-19, u transferua në Spitalin Infektiv.
Gjatë ditës së sotme 68-vjeçari ka lënë Spitalin Infektiv dhe rrugës për në Gjirokastër, në afërsi të Lushnjës, ka humbur jetën.
