Një ditë pasi u konfirmua pozitiv me Covid-19, presidenti francez, Emmanuel Macron ka dhënë sot detaje për gjendjen e tij shëndetësore. Në një video në rrjetet sociale, Macron tha se ndihet mirë dhe se do të raportojë në mënyrë transparente për shëndetin e tij
“Nuk ka asnjë arsye që gjërat të shkojnë keq. Do të vazhdoj të merrem me punët e shtetit, megjithëse me një ritëm më të ngadaltë”, tha ai në Twitter.
— Emmanuel Macron (@EmmanuelMacron) December 18, 2020
Macron rezultoi pozitiv një ditë më parë, ndërsa shfaqi shenja të virusit, si lodhje, kollë dhe ethe.
Mjeku kryesor i Elysee, Jean-Christophe Perrochon, i cili testoi presidentin të enjten në mëngjes, po qëndron në Versajë dhe po e mban atë nën vëzhgim.
Mendohet se Macron është infektuar kur mori pjesë në një samit evropian në Bruksel javën e kaluar, gjatë të cilit ai kaloi rreth 20 orë me udhëheqësit e tjerë evropianë.
