E diel, 24 Tetor, 2021
20.5 C
Tirana

SHBA, sulm kibernetik mbi ministritë

Disa autoritete amerikane kanë qenë me sa duket viktimë e sulmeve të rafinuara të hakerëve. Këtë e bëri të ditur një zëdhënës i Agjencisë për Sigurinë Kibernetike, CISA.

“Ne bashkëpunojmë ngushtë me partnerët tanë të agjencive për sulmet e sapozbuluara në rrjetin e qeverisë,” i tha një zëdhënës i Agjencisë për Sigurinë dhe Infrastrukturën Kibernetike agjencisë së lajmeve, AFP. Njësive të prekura është duke iu dhënë ndihma teknike për të punuar në identifikimin dhe luftimin e rreziqeve potenciale. Sipas njoftimeve të mediave, hakerë të panjohur kanë sulmuar Ministrinë e Financave dhe Ministrinë e Tregtisë si dhe autoritete të tjera në SHBVA, për shembull autoritetet e telekomunikacionit, NTIA.

Më parë zëdhënësi i Këshillit të Sigurisë Kombëtare, John Ullyot, pati deklaruar: „Qeveria amerikane i ka marrë këto njoftime dhe ne jemi duke ndërmarrë të gjithë hapat e duhura për të identifikuar dhe luftuar problemet e mundshme në lidhje me këtë situatë.” Ministria e Tregtisë i konfirmoi stacionit televiziv CNN, se hakeri ka lënë në një nga zyrat, maskat mbrojtëse.

Fshihet Rusia pas sulmit?

Gazeta “Washington Post” njofton se hakerë që kanë lidhje me shërbimin sekret rus, SWR, janë përgjegjës për sulmin në Ministrinë e Financave si edhe autoritetet e tjera amerikane. Nuk është e qartë, çfarë informacionesh janë marrë.

Sulmet kibernetike kanë zgjatur për muaj me radhë. Policia federale, FBI, ka nisur hetimet. Sipas njoftimeve të tyre, hakerë që drejtohen nga një qeveri e huaj, kanë sulmuar për muaj me radhë qarkullimin e emailave të Ministrisë së Financave dhe NTIA-s.

Qeveria ruse i hodhi poshtë akuzat duke përdorur për këtë Facebook-un. Një një postim Ministria e Jashtme ruse deklaroi se akuzat janë një përpjekje tjetër e pabazë e mediave amerikane, që ia venë fajin Rusisë për sulmet kibernetike kundër institucioneve amerikane.

Lexo edhe :   VIDEO/Ish-marinsi çarmatos grabitësin me një lëvizje të vetme

Sulme të reja mbi FireEye

Firma e teknologjisë së informacionit, FireEye, të cilën autoritetet amerikane e thërrasin shpesh kur ndodhin sulme kibernetike, u kthye vetë në viktimë të një sulmi kibernetik. Firma njoftoi se dorasit kanë parë informacione të klientëve të qeverisë si dhe zbatimet që firma përdor për diagnostikimin. Gjatë sulmit kibernetik është vjedhur edhe software për sulmet, me të cilën firma provon zakonisht sistemet mbrojtëse të klientëve të vet.

Lexo edhe :   VIDEO/Ish-marinsi çarmatos grabitësin me një lëvizje të vetme

FireEye mendon se pas sulmit ndodhen hakerë që punojnë me porosi shtetërore. Për këtë flasin ndër të tjera aftësitë teknike dhe disiplina e hakerëve, bëhet e ditur. Kjo firmë ka zbuluar në të kaluarën një seri sulmesh të hakerëve koreano-veriorë mbi bankat si dhe fushata të qëllimshme dezinformimi nga Rusia dhe Irani, të cilat i ka neutralizuar./DW/

- Reklama -

Më shumë nga kategoria




Të fundit

Çfarë PD-je mund të sjellë Foltorja?

Nga: Ergys Mërtiri Mbështetësit e z. Berisha pretendojnë se Foltorja po sjell debatin dhe reflektimin që i ka munguar PD-së duke i kontribuar hapjes dhe...

Sherr mes afganëve në Shëngjin, 26-vjeçarja plagos bashkëjetuesin 

Një grua afgane ka qëlluar me thikë bashkëjetuesin e saj me kombësi afgane, mesditën e sotme në ambientet ku janë akomoduar në Shëngjin. 26-vjeçarja...

Serbia ndalon boksierët nga Kosova, Shqipëria braktis botërorin

Ekipi i boksit të Kosovës nuk është lejuar të hyjë në Serbi, për të marrë pjesë në Kampionatin Botëror të boksit që mbahet në...

Futbollisti torturohet dhe grabitet në prani të partneres

Një yll i Premier Ligës është sulmuar nga banditë të maskuar në shtëpinë e tij, të cilët e kanë lidhur dhe torturuar para se...

Basha: Zotit mund t’i kem hyrë në hak, por jo Berishës!

Kryedemokrati Basha është treguar i hapur për mediat, ndërsa ka komentuar vendimin e tij për të përjashtuar Sali Berishën. Ai tha se nuk i...