Një nacionalist rus që kritikoi Vladimir Putinin dhe parashikoi luftë civile është hedhur nga një dritare e katit të pestë e një ndërtese në Moskë.
Yegor Prosvirnin, 35 vjeç, nga Vladivostok, Rusi, u gjet i zhveshur “nën dritaret e një ndërtese” në rrugën Tverskaya në qendër të Moskës më 27 dhjetor.
Sipas raportimeve të mediave lokale, ai vdiq para se të arrinte ambulanca, dhe gruaja e tij Marina Urusova më vonë konfirmoi vdekjen e tij.
Prosvirnin dyshohet se hodhi ‘thikë dhe bombol gazi’ nga dritarja e katit të pestë, ndërsa fqinjët dëgjuan ‘ulërimat dhe sharjet’ para se të rrëzohej, sipas BBC Russia.
Politikani rus Roman Yuneman tha për gazetën Podyom, se u takua me gazetarin dy javë më parë dhe gjithçka ishte ‘normale’.
Ai tha: “Kam folur me gruan e tij. Fatkeqësisht, kështu është. Ka rënë nga dritarja, është e vërtetë, nuk i di detajet. E pashë rreth dy javë më parë, ishte në gjendje normale pune’.
Prosvirnin themeloi blogun e diskutueshëm të krahut të djathtë Sputnik dhe Pogrom, i cili mbështeti aneksimin e Krimesë dhe shpërthimin e armiqësive në Ukrainën lindore.
Ai më vonë parashikoi se Federata Ruse do të ‘shembet’ dhe kritikoi ashpër Putinin, duke parashikuar një luftë civile.
Gazetari tha më parë: “Mendoj se gjithçka do të shembet. Jo vetëm Novorossia do të shembet, Federata Ruse do të shembet”.
Faqja e internetit u shtua më vonë në listën e burimeve të bllokuara në Federatën Ruse në vitin 2017, për promovimin e ideve të ‘urrejtjes etnike dhe fetare’.
Burimi i lajmit: dailymail. Përshtatur nga Tirana Today
