E shtunë, 12 Qershor, 2021
27.5 C
Tirana

”U ekzekutua me një plumb në kokë”/ Del ekspertiza për Rudolf Elezoviç

Ekspertiza mjeko-ligjore në Mal të Zi, ka bërë me dije se ish-shefit të anti-drogës në Ulqin, Rudolf Elezoviç, është ekzekutuar 10 ditë më parë, me një plumb në kokë.

Sipas hetuesve, të cilët po merren me zbardhjen e kësaj çështjeje, autorët e kanë ekzekutuar Elezoviçin në një vend tjetër, dhe e kanë transportuar trupin pranë lumit Buna për të mos lënë gjurmë, shkruan Vijesti.

Arma e krimit nuk është gjetur ende, teksa pranë trupit të viktimës nuk kishte asnjë provë që mund të ndihmonte grupin hetimor.

Fillimisht, u dyshua se Elezoviç mund të ishte vetëvrarë, por pas ekspertizës së thelluar, u arrit në konkluzionin se është ekzekutuar.

Elezoviç rezultonte i zhdukur që prej 27 majit. Për herë të fundit ai ka folur me bashkëshorten, të cilës i tha se ishte nisur për në Shqipëri për arsye pune. Sinjalin e fundit, telefoni i tij e dha në kufirin mes Shkodrës dhe Malit të Zi, mes fshatrave Pentar dhe Reç.

Më parë, ai ka punuar për disa vjet në pozicione menaxheriale në Departamentin e Sigurisë së Ulqinit, dhe më vonë ai mbajti poste të përgjegjshme në Sektorin e Policisë Kufitare.

Ndërkohë, më herët është raportuar se zhdukja e Elezoviç, kishte të bënte me aksionin policor “Kurthi”, ku u arrestuan 24 persona për trafikimin e 2.5 ton marijuanë nga Shqipëria, përmes Malit të Zi e drejt vendeve të rajonit e më pas për në vendet e BE-së.

- Reklama -

Më shumë nga kategoria




Të fundit

Shpërthimi i kontrolluar i ‘gjobës’ Becchetti

Nga: Agim Baçi Dikur qarkullonte në internet një letër që një vajzë i dërgonte së ëmës, e cila në thelbin e saj lidhej me gjetjen...

Uells-Zvicër/ Pjesa e parë pa gola, portierët vendimtarë me pritjet e tyre

Ka përfunduar me rrjeta të paprekura, pjesa e parë e ndjeshjes midis Zvicrës dhe Uellsit. Një 45 minutësh ku spektakël dhuruan portierët e skuadrave...

Vrasja e 20-vjeçares në Greqi, zbulohet makina me të cilën janë larguar autorët

Zbardhen detaje të reja në lidhje me vrasjen e 20-vjeçare britanike Caroline, e ndodhur pak javë më parë në Greqi. Në emisionin e gazetarit grek...

Fati i kryetarit të PD-së, 3 kandidatët që do të sfidojnë Lulzim Bashën

Nga: Marsela Sinani Lulzim Basha 47 vjeç, Fatbardh Kadilli 55 vjeç, Edith Harxhi 48 vjeçe dhe Agron Shehaj 44 vjeç, aderojnë në të njëjtën parti,...

Salianji: Gruevski si Rama mori mandat të tretë, por ra brenda një viti

Deputeti i zgjedhur i Partisë Demokratike, Ervin Salianji ka bërë një paralelizëm të situatës aktuale politike në Shqipëri, të asaj para disa viteve në...