Aktori i famshëm, Woody Harrelson ka deklaruar se është detyruar të pijë marijuanë për të duruar një darkë të tmerrshme me presidentin Trump dhe gruan e tij Melania.
Sipas Harrelson, ngjarja ka ndodhur rreth 17 viteve më parë teksa ai ishte i ftuar për darkë nga çifti, ndërsa shprehet se ishte në atë moment kur ai arriti në përfundimin se Trump, ishte narcist.
Sipas mediave të huaja, aktori ka treguar edhe për faktin se si Presidenti aktual mbizotëroi bisedën gjatë gjithë darkës që zgjati dy orë e gjysmë.
“Kështu që të gjithë u takuam në ‘Trump Tower’, u ulëm. Melania ishte aty dhe atë kohë ajo nuk ishte zyrtarisht gruaja e tij. Dhe ishte, më lejoni t’ju them, një darkë brutale. Dy orë e gjysmë”, tha 58-vjeçari, duke folur për Esquire.
Mbrëmja ishte aq e keqe sa që aktori i Hollivudit pretendon se ishte i detyruar të dilte jashtë dhe të pinte hashash, në mënyrë që të duronte më shumë andrallat e Trumpit.
‘Më erdhi keq, unë u detyrova të dilja jashtë dhe të pija një cigare marijuane para se të kthehesha tek monologu monopol. Kam ardhur përmes Hollywood-it, kështu që kam parë narcistë. Ky djalë ishte përtej kufijve. Më iku truri”, vijon aktori.
“Tani, në një tryezë të ndershme me katër persona, secili person ka të drejtën e 25 përqindëshit të bisedës, apo jo? Unë do të thoja që Melania mori rreth 0,1 %. Unë kam marrë rreth 1 %. Dhe guvernatori, mori rreth 3 %. Trump mori pjesën tjetër”, tha Harrelson.
