Ambasadorja e SHBA-së në Tiranë, Yuri Kim ka zhvilluar sot një takim me Ministren e Kulturës, Elva Margariti.
Përmes një postimi në Facebook, Ambasada e SHBA-së në Tiranë tregon edhe fokusin e bisedës mes tyre.
Ambasada bën me dije se Shtetet e Bashkuara do të dhurojnë 800,000 dollarë për të riparuar dëmtimet e tërmetit në Kalanë e Krujës, si dhe vendet historike në Durrës dhe Prezë.
“Ambasadorja Kim u takua sot me Ministren e Kulturës Elva Margariti. Ato diskutuan grantin prej pothuajse 800,000 dollarë të Fondit të Ambasadorëve për Ruajtjen e Kulturës që Shtetet e Bashkuara po japin për Punë rimëkëmbëse dhe mbrojtëse në monumentet e kulturës në Krujë, Durrës dhe Prezë, të cilat u dëmtuan nga tërmeti i 26 nëntorit”, shkruhet në postimin e ambasadës amerikane.
