Pas denoncimeve se shkolla 9-vjeçare “Emin Duraku” në Tiranë mund të shembet pas dëmtimeve nga tërmeti, ka ardhur reagimi i ministres së Arsimit, Besa Shahini.
Përmes një postimi në “Facebook”, ministrja qartësoi se shkolla do të qëndrojë e hapur, ndërsa shtoi se procesi mësimor do të zhvillohet me dy turne. Ky vendim erdhi pas vlerësimit të inxhinierëve bashkiakë dhe Institutit të Ndërtimit.
“Vendimin për të hapur një shkollë apo për ta mbajtur të mbyllur e kemi marrë pas vlerësimit të inxhinierëve bashkiakë dhe Institutit të Ndërtimit. Rrjedhimisht, shkolla “Emin Duraku” Tiranë qëndron e HAPUR dhe do të punojë me dy turne sepse në pjesën më të madhe është plotësisht në rregull. Pjesa e dëmtuar nuk do të përdoret deri në skanimin përfundimtar të saj nga Bashkia”, shkruan Shahini.
Denonco ne TT