Ndërron jetë në moshën 75-vjeçare Gani Mezini, i vlerësuar si “Mjeshër i Madh i Sportit” nga Presidenti Ilir Meta.
Ish-gjimnasti vlonjat lindi në vitin 1945 dhe pati një karrierë të shkëlqyer, duke fituar shumë konkurrime kombëtare e ndërkombëtare.
Ai u dekorua nga presidenti vetëm pak muaj më parë, me propozim të shefit të Klubit Shumësportësh “Flamurtari”, Viron Toska dhe me miratimin e kryetarit të Bashkisë së Vlorës, Dritan Leli.
Dekoratën “Mjeshtër i Madh i Sportit” ai e mori për kontributin e çmuar e dhënë në vite në sportin e gjimnastikës, si mësues dhe qytetar i devotshëm dhe intelektual i spikatur i qytetit të Vlorës dhe Shqipërisë.
