Gazetari egjiptian, Mohamed Monir ka ndërruar jetë pasi u infektua me koronavirus në qelitë e paraburgimit.
Monir u arrestua muajin e kaluar, pasi u shfaq në TV Al-Jazeera, një kanal në pronësi të Katarit, i ndaluar nga qeveria e Egjiptit.
Ai u dërgua në burgun Tora të Kajros, ku u mbajt nën akuzën e transmetimit të lajmeve të rreme. Mohamed Monir, 65 vjeç, u infektua në paraburgim dhe më pas u la i lirë, ku edhe ndërroi jetë në një dhomë izolimi në një spital në Kajro.
Kreu i Sindikatës së Gazetarëve Egjiptianë, Diaa Rashwan, konfirmoi vdekjen e Monir me anë të një postimi në Facebook.
