Policia italiane ka arrestuar një 27-vjeçar shqiptar, i cili ishte arratisur nga burgu 8 muaj më parë.
Ervis Markja u arrestua të dielën në një lokal, teksa po festonte ditëlindjen e të fejuarës së tij. 27-vjeçari u dërgua në burgun e Napoli Poggioreale, ku pritet të vuajë dënimin. I riu u arratis nga burgu i Carinola, në 26 maj 2019 së bashku me Adriatik Gegën, i cili vijon që të jetë ende në kërkim.
Sipas mediave italiane, dy shqiptarët sharruan kangjellat e dritares së qelisë duke zbritur me çarçaf. Ervis Markja ishte arrestuar në janar të vitit 2016 bashkë me dy persona të tjerë, ku përplasën një makinë policie me mjetin e tyre, ndërsa në mjet ju gjetën disa armë dhe sende të vjedhura.
Ndërkohë Adriatik Gega, ishte arrestuar në vitin 2012 në provincën e Benevento, i akuzuar si pjesë e një grupi të specializuar për grabitje banesash, ndërkohë që u ndalua bashkë me tre të tjerë.
