Ministri i Jashtëm turk, Mevlut Cavusoglu, i bëri thirrje Francës që të vetëpërmbahet nga hapat që do t’i rrisnin tensionet në pjesën lindore të Mesdheut.
Sipas Reuters, ushtria franceze ka kryer ushtrime me forcat greke në rajonin e kontestuar, për të cilin Turqia është futur në një mosmarrëveshje me Greqinë rreth kërkimit të naftës dhe gazit.
Në një konferencë për shtyp, Cavusolgu tha se Zvicra ka ofruar ndërmjetësim për ta zgjidhur mosmarrëveshjen dhe se Turqia është pajtuar në parim për këtë. Ai theksoi se Greqia do të marrë kundërpërgjigje, nëse e provokon anijen turke “Oruc Reis”.
Zvicra tha se është e gatshme ta përkrahë dialogun për uljen e tensioneve, nëse një gjë e tillë dëshirohet nga dy palët e përfshira në mosmarrëveshje.
