Turqia ka forcuar pozicionet e saj në Mesdheun Lindor duke njoftuar dërgimin e anijeve ushtarake në brigjet e Qipros dhe Rodosit.
Mediat greke raportojnë se marina turke ka njoftuar një stërvitje të gjerë ushtarake në brigjet e Qipros. Mësohet se gjatë stërvitjes do të përdoret zjarr i vërtetë, gjë për të cilën turqit kanë paralajmëruar të gjitha anijet që lundrojnë në zonën në fjalë.
Krahas kësaj, një numër i madh anijesh ushtarake turke gjenden në jug të Rodosit duke mbështetur anije kërkimore “Oruç Reis”, e cila po kryen kërkime.
Më herët, kryeministri grek i kërkoi ndihmë Francës, e cila dërgoi në zonë aeroplanmbajtësen “Charles de Gaulle” dhe disa avionë “Rafale”.
