Ministri i Shëndetësisë në Turqi, Fahrettin Koca ka bërë me dije se ka shkuar në 39 numri i viktimave të shënuara nga tërmeti 6.8 ballë.
Në një transmetim direkt për CNN TÜRK, Koca tha se numri i pacientëve të plagosur që ndodhen në spital është 1605.
“Fatkeqësisht, numri i qytetarëve që kanë humbur jetën është 39 me lajmet që kemi marrë. Fatkeqësisht. Në këtë periudhë, numri i pacientëve që janë në spitalet tona është 1605”, tha ai.
Mbrëmjen e së premtes, Turqia lindore u godit nga një tërmet i fuqishëm i cili u pasua nga shumë pas-goditje tjera. Epiqendra e tërmetit ka qenë pranë zonës së quajtur Elazig. Kjo zonë është goditur edhe në vitin 2010 nga një tërmet 6.0 ballë, ku për pasojë humbën jetën 51 persona.