Mijëra qytetarë turq janë gjobitur brenda dy ditëve, pasi nuk kanë mbajtur maskë në ambiente publike.
Më shumë se 7 mijë persona janë gjobitur vetëm ditën e hënë dhe të martë, për mos mbajtje të maskës, e cila është detyrim në shumë qytete të vendit.
Detyrimi për mbajtjen e maskave në vende publike, është në fuqi në 62 provinca, mes tyre Stambolli. Kjo masë u ndërmor pas shtimit të rasteve të reja me koronavirus në ditët e fundit.
Ndërsa në zonat ku maskat nuk janë të detyrueshme, rregulli vlen për hapësirat publike të mbyllura.
Sipas mediave turke, secili nga të gjobiturit duhet të paguajë 900 lira turke, ose rreth 115 euro. Deri më tani, Turqia numëron më shumë se 190 mijë raste infektimi dhe rreth 5 mijë viktima.
