Kryeministri Edi Rama i është përgjigjur akuzave të PD-së për një telefonatë të tij ndaj Manjola Cakonit, gruas që kishte humbur burrin dhe vajzën në tërmetin e 26 Nëntorit.
Sipas PD, Rama e kishte telefonuar gruan duke ju drejtuar me fjalët: Turp të ketë Manjola. Kjo pasi ajo ishte shprehur në media se nuk kishte marrë mbështetje nga shteti.
“Jam shumë i keqardhur me hieno-politikën në përgjithësi dhe hieno-politikën e PD në veçanti, që nuk lë rast pa përdorur fatkeqësitë njerëzorë dhe përsëri të peshkojë në turbullirën që tenton të krijojë, duke manipuluar ndjenja njerëzore. I vetmi koment që mund të bëhet është mbi faktet. Kush do faktet le t’i shohë. Unë jo vetëm nuk kam braktisur asnjë familje, por nëse ata që humbën nuk ua kthej dot unë të gjitha këta njerëz do t’i kthej në një jetë të re në kushte që as i kishin as nuk do t’i kishin pasur nëse fatkeqësia nuk do t’ju kishte ardhur”, tha ai.
