Nga Ana Azizaj
Turp të kesh
Kjo fjali kaq e shkurtër bëri të ndahej Shqipëria në dy opinione kundër ndërkombëtareve dhe pro ndërkombëtareve, kundër qeverisë dhe pro qeverisë. Pavarësisht që parulla nuk është shkruar nga mua, unë e them me plot gojën Turp të kesh.
Në Shqipëri mendoj nuk është momenti të ndahemi në gjysmë, jemi në situatën ku askush nuk do të jetojë më në Shqipëri, jemi në gjendjen ku askush nuk do të shkollohet në Shqipëri, jemi në situatë ku askush nuk beson më në sistemin tonë të drejtësisë, jemi në situatën ku askush s’është më i sigurtë në Shqipëri, jemi në situatën ku askush se di ç’prodhime ushqimore konsumon më në Shqipëri, jemi në situatën ku vazhdojnë të duan të na copëtojnë kufijtë, jemi në situatën ku rinia nuk punësohet në Shqipëri, jemi në situatën ku profesioni i mjekut është rrënuar në Shqipëri, jemi në situatën ku artin mundohen ta zhdukin në Shqipëri, jemi në situatën ku duhet të jemi NJË.
Nuk ka rëndësi qeveria, nuk ka rëndësi flamuri partiak, nuk ka rëndësi mendimi i atyre që komentojnë anglisht për situatën në Shqipëri, e vërteta është Shqipëria nuk është mirë. Nuk ka rëndësi reforma që ndërmerret kur vazhdon i shërben Rilindjes, nuk ka rëndësi vetingu kur i shërben Rilindjes, nuk kanë më rëndësi fotot dhe videot 3D për të menduar që Shqipëria është mirë, nuk kanë më rëndësi batutat e Kryeministrit, rëndësia në këtë moment është Shqipëria.
Çdo qeveri duhet t’i trembet popullit të saj. Ndaj unë zgjedh të mos hesht unë zgjedh të protestoj.
Shqipëria është e shqiptarëve ndaj po vazhdoj e po them turp të keni për situatën që jemi.
