Këngëtari Ermal Fejzullahu i ka thumbuar kolegët e tij, duke thënë është turp që këngëtarët të ankohen se nuk kanë pasur të ardhura gjatë kësaj periudhe. Ai është shprehur kështu pas ankesave që kanë patur kolegët e tij, për mungesë të punës gjatë këtij viti, si pasojë e pandemisë.
“Këtë verë nuk kemi pasur shumë. Kolegët e mi janë të lig, sepse nuk kanë pasur shumë punë, por përderisa në trojet e Kosovës dhe të Shqipërisë ka shumë të varfër, për ne është shumë turp të na dëgjojë kush duke u ankuar, e duke thënë nuk kemi punë.
Është turp prej Zotit, kështu që ne të bëjmë maksimumin tonë e t’i kënaqim ata. Nuk kanë lidhje pazaret, nuk kanë lidhje lekët, është turpi i botës të flasin këngëtarët për lekë”, tha ai në një intervistë për emisionin “Ora Verore” në RTV Ora.
