Partia Demokratike e degës së Kukësit ka kërkuar leje që të zhvillojë një tubim urgjent në formën e marshim-protestës më 25 qershor.
Ky tubim mendohet të mbahet pikërisht pasditen e sotme, teksa kryeministri Rama do të vijojë fushatën elektorale në Kukës.
Në kërkesë thuhet se qëllimi i tubimit është “mbrojtja e demokracisë, shtetit ligjor dhe shkëputja e politikës dhe krimit si garanci për zgjedhje të lira dhe të ndershme dhe qeverisje të përgjegjshme, që siguron mirëqenie dhe punësim për shqiptarët, si dhe luftë kundër korrupsionit dhe abuzimit me pushtetin”.
PD ka kërkuar plot 8 orë leje për këtë tubim, nga ora 14:00 deri në orën 22:00.
