Ish-deputetja e Partisë Demokratike, Grida Duma është shprehur se opozita nuk e njeh Ramën si kryeministër, por nuk ka legjitimitet që të mos e njohë si kryetar të PS-së.
E ftuar në ‘Mbrëmje Ide’, Duma u shpreh se do ta pranojnë Ramën në tavolinë vetëm si kryetar të PS-së, ndërsa shtoi se pozita në të cilën kanë vendosur Ramën është një pozitë që nuk ka shumë alternativa. Sipas saj, ai është i detyruar të shkojë drejt një zgjidhje konsensuale.
“Principet e kësaj platforme kanë të bëjnë me principet që duhet të caktojë qeveria për të shkuar në një rrugë zgjidhje. Kanë të bëjnë qysh nga kontratat e punës në administratës, tek karta e identitetit, të gjitha detyra ekzekutive të qeverisë. Besoj që kohëzgjatje do jetë deri në zgjedhjet e reja parlamentare. Nuk kemi një propozim individual dhe nuk jemi duke caktuar kryeministrin as individin dhe as forcën. Mjafton vetëm të mos jetë Rama. Rama në çfarëdolloj situate nuk do jetë në krye të kësaj qeveria. Rama mendoj se në sensin e partive politike ai do jetë në tryezë, pro si kryeministër i vendit për ne nuk e ka më këtë target. Unë ia kam hequr vetës mandatin dhe vazhdoj të njoh ty si kryeministër?! Në këtë sens nuk mund të ishte si kryeministër sepse do të ishte një goditje kundër vetes. Si kryeministër nuk mund të pranohet, por si pjesë e PS nuk kemi legjitimitetin të themi se nuk mund të jetë.
“Pozita në të cilën kemi vendosur Ramën është një pozitë që nuk ka shumë alternativa dhe është i detyruar të shkojë drejt një zgjidhje konsensuale. Ajo çka negociohet është tejkaluar mes formales dhe reales, dhe një marrëveshje tashmë është shkelur nga ana e tij”, tha Duma.
Ndërkohë, ditën e nesërme Basha pritet të paraqesë platformën e qeverisë tranzitore.
