Të tjera detaje tronditëse janë hedhur në dritë lidhur me ekzekutimin e 33-vjeçarit Klevis Kapllani, në fshatin Sinaballaj të Rrogozhinës. Dyshohet se i riu mund të jetë vrarë mbrëmë rreth orës 23:00, ndërkohë që trupi i pajetë u gjet mëngjesin e sotëm, brenda makinës së tij nga një banor i fshatit.
33-vjeçari kishte dalë mbrëmë nga banesa e tij për të pirë kafe, por nuk është kthyer më. Ai u ekzekutua me një breshëri kallashnikovi, 200 metra larg banesës së tij.
Autorët kanë qëlluar me 14 plumba në drejtim të tij, dhe ai ka gjetur vdekjen e menjëhershme.
Në mjetin ku u gjet trupi i të riut, policia gjeti edhe një pistoletë, por që nuk ishte përdorur.
33-vjeçari rezulton person me precedent penal, ndërsa është dënuar në shtetin fqinj, Itali, për trafik droge.
