Shtëpia e Bardhë tha se presidenti Donald Trump ka biseduar me udhëheqësit e Kinës dhe Japonisë dhe riafirmoi angazhimet e tyre të përbashkëta për të trajtuar kërcënimin që paraqet Koreja e Veriut.
Shtëpia e Bardhë tha se Trump ka biseduar me kryeministrin e Japonisë, Shinzo Abe, dhe me presidentin e Kinës, Xi Jinping.
“Koreja e Veriut dhe programi i saj bërthamor kanë qenë pjesë e diskutimeve me të dy liderët”, tha Shtëpia e Bardhë.
Trump do të takojë liderin japonez dhe atë kinez në samitin e G20-ës (grupit të vendeve më të industrializuara) që mbahet këtë javë në Hamburg të Gjermanisë.
Së fundmi Koreja e Veriut ka kryer dy prova bërthamore, ndërsa ka lëshuar disa raketa balistike.
