Një i burgosur shqiptar në Kumanovë, i identifikuar si Erxhan Zenuni, është dhunuar nga disa maqedonas të burgosur.
Ngjarja ka ndodhur para dy ditësh, kur shqiptari është dërguar në spitalin e Kumanovës, në Repartin e Kirurgjisë për shkak të lëndimeve.
Rasti është publikuar nga gazeta Lajm, e cila shkruan se të dënuarit kanë mbyllur derën e qelisë së Zenunit, në mënyrë që askush të mos ndërhynte gjatë dhunimit të shqiptarit.
Gjithashtu, edhe familjarët e të riut kanë reaguar lidhur me ngjarjen duke u zotuar se do e çojnë drejtësinë deri në fund.
Të burgosurit shqiptarë në Kumanovë janë ankuar shpesh për mungesën e trajtimit adekuat konform normave, siç trajtohen edhe të burgosurit maqedonas.
Ndikimi i kuadrove shqiptare nuk ka ndikuar në përmirësimin e trajtimit të të burgosurve shqiptarë.
Familjarët thonë se e kanë njoftuar edhe drejtorin shqiptar, por që tani për tani nuk është ndërmarrë ndonjë masë ndëshkimi ndaj atyre që e rrahën Erxhanin.
Erxhanit i kanë ngelur vetëm edhe rreth 8 ditë vuajtje dënimi (deri më datën 11 korrik).
