Pas një sërë përplasjesh me OBSH-në, presidenti amerikan Donald Trump ka marrë vendimin final, duke shkëputur marrëdhëniet. Presidenti i Shteteve të Bashkuara, Donald Trump, tha se Uashingtoni i ka përfunduar marrëdhëniet e tij me Organizatën Botërore të Shëndetësisë. Trump ka marrë vendimin final, duke e akuzuar për dështim të reformave.
Trump tha se OBSH-ja, agjenci e Kombeve të Bashkuara, ka dështuar t’i bëjë reformat “e kërkuara dhe shumë të nevojshme”, pas shqetësimeve të SHBA-së për mënyrën se si e ka trajtuar pandeminë e koronavirusit.
Në muajin prill, Trump i ka ndërprerë fondet për OBSH-në, duke e akuzuar atë për fshehje të përhapjes së COVID-19, pasi është shfaqur në Kinë në muajin dhjetor.
Trump tha të premten se SHBA-ja “do t’i ndajë këto fonde për nevoja të tjera urgjente në botë”.
Autoritetet në Kinë sot nuk kanë regjistruar asnjë infeksion dhe viktimë nga koronavirusi. Komisioni kinez i Shëndetit tha në një deklaratë se në 31 provincat në territorin kontinental nuk janë regjistruar raste dhe të vdekur.
