Presidenti amerikan, Donald Trump e konsideron si bekim infektimin me Covid-19 ndërkohë që siguron se vaksina do të behët e arritshme për jnjerëzit pas zgjedhjeve të 3 nëntorit.
“Ka shumë kompani farmaceutike që janë në fazën finale të vaksinës kundër COVID-19 dhe mendoj se do ta kemi gati para zgjedhjeve, por duke qenë se në mes është e përfshirë edhe politika, vaksina mund të behët publike pas zgjedhjeve.Mendoj që infektimi im me COVID-19 ka qenë një bekim nga Zoti”, është shprehur presidenti Trump në një video mesazh nga Shtëpia e Bardhë.
Sipas Trump, ishte infektimi i tij me koronavirus që çoi në zbulimin e Regeneron, një ilaç eksperimental i sugjeruar nga vetë ai që e ndihmoi atë të fitonte betejën ndaj virusit.
Ai u shpreh i vendosur për të bërë çdo gjë që ky mjekim të licencohet dhe të shpërndahet falas për të gjithë.
