Presidenti Trump njoftoi mediat se ditën e sotme do të shpalosë planin e tij të paqes për Lindjen e Mesme.
Gjatë një takimi me kryeministrin izraelit Benjamin Netanyahu në Shtëpinë e Bardhë, ai premtoi se nga plani i tij palestinezët do të jenë shumë të kënaqur. Sipas tij, ky plan do të zgjidhë përfundisht konfliktin e vjetër ndërmjet Izraelit dhe Palestinës.
Për të vënë në jetë planin e tij, Trump ka planifikuar të takojë edhe liderin e partisë opozitare izraelite, Benny Ganz.
Sipas “Reuters”, plani i Trump është rezultat i tre viteve punë të këshilltarëve të vjetër të presidentit si Jared Kushner, Avi Berkoviz dhe Jason Greenblatt.
